İlqar Rəsulun yeni kitabı nəşr olundu - "Unudulmuş"

 

Yazıçı-publisist İlqar Rəsulun  “Mücrü” Nəşriyyatında “Unudulmuş” adlı şeirlər kitabı işıq üzü görüb.

Kulis.az-a “Mücrü” nəşriyyatından verilən xəbərə görə, kitabda yazıçı İlqar Rəsulun müxtəlif vaxtlarda yazdığı şeirlər toplanıb.

 

“Ötən ilin son günlərində fəaliyyətə başladıq və ilk dəstək  yazıçı dostumuz İlqar Rəsuldan gəldi. İlqar Rəsul müxtəlif illərdə qələmə aldığı şeirlərin kitab şəklində nəşrini bizə etibar etdi. Biz də nəşriyyat olaraq çox çevik və keyfiyyətlə kitabın nəşrini  həyata keçirdik və ötən ilin son günü kitab işıq üzü gördü. “Unudulmuş” şeirlər toplusu “Mücrü” Nəşriyyatının “Poeziya” silsiləsindən işıq üzü görən ilk kitab olmaqla yanaşı, həm də nəşriyyatımızda çap olunan ilk kitabdır. Yaxın vaxtlarda kitabın geniş oxucu auditoriyasına təqdimatını və imza gününü keçirəcəyik".

 

Kitabın naşiri Müşfiq XAN, redaktoru Cəlil Cavanşirdir. Tərtibat və dizayn isə Fərid Əliyevə məxsusdur.

 

LENT

05 Fevral 2020
04 Fevral 2020
03 Fevral 2020
01 Fevral 2020
31 Yanvar 2020