Qardaşı baltalamaq istədi, anasının qarğışına düşdü, gəlinlik paltarı geyinmədi – Xalq artistindən maraqlı faktlar

Bu gün Xalq artisti Safura İbrahimovanın doğum günüdür. Kulis.az bu münasibətlə sənətkarı təbrik edir və onun haqqında maraqlı faktları təqdim edir.

 

Safurə İbrahimova 1938-ci il dekabr ayının 27-də Bakıda doğulub.

 

Gallery

 

Atası Bakının tanınan tacirlərindən olub.  Ticarətlə məşğul olduğuna görə onun var-dövlətini əlindən alıb ailəni ölkənin ən ucqar kəndlərindən birinə sürgün ediblər.

 

***

 

Ən böyük arzusu həkim olmaq olub. Məktəbi bitirəndən sonra sənədlərini tibb universitetinə versə də imtahanlardan kəsilib.

 

***

 

36 yaşında ailə həyatı qurub. 5 il davam edən ailə həyatı övladı olmadığına görə dağılıb. Ondan sonra heç vaxt ailə həyatı qurmayıb.

 

***

 

Toyunda gəlinlik geyinməyib. 

 

Gallery

 

Həyat yoldaşı prokuror olub. Səfurə İbrahimovanın pərəstişkarı olub. Deyilənə görə heç bir tamaşasını buraxmır, hər tamaşadan sonra ona gül-çiçək gətirərdi.

 

***

 

Anası onun aktrisa olması ilə razı olmayıb. O anası ilə bağlı xatirələrində danışarkən anasının hətta ona bu sənəti seçdiyi üçün qarğış tökdüyünü bildirib: “Deyirdi, səni görüm heç vaxt gəlinlik geyinməyəsən, başına duvaq atmayasan”.

 

***

 

 

Qardaşları da Safuranın  aktrisa olmasını istəməyiblər. Hətta "Sevil" filmindəki roluna görə qardaşı onun üstünə balta qaldırıb.

 

***

 

Həsən Turabov, Eldəniz Zeynalov və Tariyel Qasımov ona  evlənmə təklifi edib.

 

***

Gallery

 

Xalq artisti Zərnigar Ağakişiyeva ilə ölənə qədər küsülü qalıb.

 

Gallery

 

Bacısı oğlunu övladlığa götürüb.

 

***

 

Teatrdan ayrıldıqdan sonra qapalı həyat tərzi sürür. Hətta bir ara onun dəli olduğu ilə bağlı xəbərlər yayılmışdı.

 

 

Gallery

 

Teatrda onu çox incidiblər. İş o həddə çatıb ki, “Sevil” tamaşasının premyerası zamanı onu yıxmaq da istəyiblər: “Sevil” tamaşasında mən düşdüyüm pilləkənlərdən birinin taxta pilləsini vurmamışdılar. Mənim də bundan xəbərim yox idi. Pilləkənləri düşəndə Allah üzümə baxdı ki, ayağımın altındakı boşluğu hiss etdim. Əgər mən ayağımı həmin boşluğa atsaydım, üzü üstə səhnənin döşəməsinə yıxılacaqdım”.

 

***

 

“Arxadan vurulan zərbə” də Ziba,  “Sevil” filmində Dilbər, “Gün keçdi” filmində Əsmər roluna çəkilməsinə mane olublar.

 

Gallery

 

Uzun illər fəxri ad almasının qarşısı alınıb.

 

LENT

05 Fevral 2020
04 Fevral 2020
03 Fevral 2020
01 Fevral 2020
31 Yanvar 2020